 Bağışlayan və Mehriban Allahın adı ilə!
1. İmam Əli (ə) buyurmuşdur: "Bizim Qaibimizin iki qeyb dövrü olacaq: onlardan biri digərindən daha uzun olacaq. Qeybdə olduğu müddətdə onun imamlığına yalnız imanı möhkəm və mərifəti kamil olan şəxs inanacaq”.
2. İmam Musa Kazım (ə): "Beşinci övladım qeybə çəkildikdə dininizi qoruyun və müğayət olun ki, kimsə sizi dininizdən çıxarmasın. O, istəsə də, istəməsədə, qeybə çəkilməlidir. Onda bəzi möminlər öz əqidələrindən dönəcəklər. Allah Təala onu qeybə çəkməklə öz bəndələrini sınağa çəkir”.
3. Həzrət Peyğəmbər (s) buyurub: "Məhdi (ə) şiələrinin və ardıcıllarının gözündə qeyb olacaq. Yalnız o şəxslər onun imamlığına olan əqidələrini qoruyub saxlaya biləcəklər ki, Allah Təala onların qəlblərinə imanı layiq bilmişdir.”
4. İmam Sadiq (ə) buyurub: "Müntəzər (gözlənilən) imam qiyam etməzdən qabaq bir müddət gözlərdən qeybə çəkiləcək. Çünki canı təhlükədə olacaq.”
5. İmam Rza (ə) buyurub: "Sanki üçüncü oğlumun (Həsən Əsgərinin (ə)) ölümündən sonra öz imamını axtaran, lakin onu tapa bilməyən tərəfdarlarımı görürəm. Ona görə ki, əlində qılınc qiyam edəcəyi vaxt boynunda heç kimin beyəti olmasın”.
6. İmam Baqir (ə) buyurub: "Qaimin iki qeyb dövrü olacaq. Bu iki dövrün birində deyəcəklər ki, o, ölüb...”.
7. İmam Baqir (ə): "Qaimi-Ali Mühəmmədin (s) iki qeyb dövrü olacaq ki, bunlardan biri digərindən daha uzun sürəcək”.
8. İmam Hüseyn (ə) buyurub: "Əgər dünyanın axırına bircə gün qalsa, Allah Təala həmin günü uzadar və mənim nəslimdən olan bir kişi qiyam edib zülmlə dolan dünyanı haqq-ədalətlə doldurar. Mən, Peyğəmbərin (s) belə buyurduğunu eşitmişəm”.
9. İmam Cavad (ə) buyurub: "Bizim Qaimimiz (qiyam edənimiz) elə "Müntəzər Mehdi”dir, o kəs ki, qeybdə olduğu müddətdə zühurunu gözləməli və zühur etdikdən sonra əmrinə tabe olunmalıdır. And olsun Muhəmmədi (s) peyğəmbərliyə seçən və imaməti bizim ailəyə məxsus edən Allaha ki, əgər dünyanın sonuna tək bir gün qalsa, Allah həmin günü uzadar və Mehdi (ə) zühur edib zülmlə dolan dünyanı ədalətlə doldurar. Allah, Musa peyğəmbərin işini bir gecədə həll etdiyi kimi, onun da işini bir gecədə həll edər. Musa (ə) həyat yoldaşı üçün od gətirməyə getmişdi, lakin peyğəmbər olaraq geri qayıtdı.
10. İmam Cavad (ə) buyurub: "Tərəfdarlarımız üçün ən gözəl iş onun (Həzrət Məhdinin (ə.f.)) zühurunu və qiyamını gözləməkdir.”
|
