Ustadın həyat yoldaşının xatirələrindən: "Cümə axşamı və cümə günləri Qum şəhərinə gedirdi. Mən onun paltarlarını yuyar, otağını təmizləyər və evə qayıtmasını səbirsizliklə gözləyərdim. Qısacası: onun səfa, səmimiyyət, söhbət və təqvasından nə qədər bəhs etsəm, yenə də az söyləmiş olaram. Evin bütün problemlərindən xəbəri olardı və bir çox işlərdə də mənə və uşaqlara kömək edərdi. Çox vaxt səhərlər çayı özü dəmləyərdi. Bütün həyatım boyunca bir dəfə olsun "Mənə bir stəkan su gətir" dediyini xatırlamıram. Qadınlara edilən zülm və haqsızlıqdan şikayətlənərdi. Davamlı, "Qadın istismar edilməməlidir” deyərdi".
"Bir-birimizə qarşı davranışlarımız hörmət və səmimiyyətə söykənirdi. Özü, xanımlara qarşı çox hörmətli idi və həmişə belə deyərdi: "Cəmiyyətimizdə qadın çox istismar edilir". Bir dəfə mərhum Əllamə Təbatəbainin müalicəsi üçün birlikdə xaricə getmişdik. Universitetdə oxuyan qızlar yanımıza gəldilər və Şəhid Mütəhhəriyə belə dedilər: "İslam üləması, xanımlara çox hörmət göstərmirlər. Onları çağırarkən belə adları ilə deyil, hörmətsiz ifadələrlə çağırırlar. Onları heç bir işə qarışdırmırlar".
"Ağa (Şəhid Mütəhhəri) onlara, "Xeyr, sizin düşündüyünüz kimi deyil" dedi və onlar üçün İslamda qadın haqlarından bəhs etdi. Az cümlə ilə belə dedi: "İslam, qadınlara çox hüquq vermişdir. Nəinki digər ev işlərini, heç öz uşağına süd verməsini belə qadının vəzifələrindən saymamışdır".
Yenə xatırlayıram, "İslamda qadın haqları” kitabını yazarkən, bəzən bu mövzuda mənimlə söhbət edərdi. Qadınlara edilən zülmdən narahatlığını dilə gətirər, bunu kişilər üçün bir ayıb olaraq görərdi. Əlbəttə, onun müsəlman qadın haqqındakı fikirlərini, yazdığı kitablardan əldə edə bilərsiniz".
"Mən, Quran oxumağı və ərəb dilini ondan öyrəndim. Uşaqlar da ərəb dilini və başqa dərsləri ondan öyrəndilər. Onun nə qədər şəfqətli olduğunu izah etməyim mümkün deyil. Bunu bir tək Allah bilər. Aramızda fövqəladə bir sevgi var idi. Sözlərinin arasında tez-tez ariflər və Allah dostlarından bəhs edərdi. Birbaşa mənə söyləmədən, sadə və mənalı misallarla məni təqva və fəzilətə dəvət edərdi”.
Allah Təala bizləri Şəhid Mütəhhərini dərk edənlərdən qərar versin!
Zəki Ələmdar
/Deyerler.Org/
|