 Evlənməyə olan istək - təbii istəkdir. Bəzən evliliyin uzanması fəsada və günaha səbəb olar. Bəzən evliliyi uzatmaq çox sayda dərd-sər gətirir və insanlar müxtəlif xəstəliklərə düçar olarlar.
Bəzən də evlilik çağına çatmış bir cavan evlənmək istəyən zaman valideynləri onu uşaq hesab edərlər. Onların bu evlilik istəyini abırsızlıq kimi dəyərləndirirlər. Onları məzəmmət edərlər. Onları elə təhqir edərlər ki, sanki qəbahətli bir iş görüblər. Belə olan halda əgər cavanın imanı kifayət qədər olmazsa, əyri yollara gedə bilər.
Bəzən də evlənmək istəyən cütlərin valdeynləri elə şeyləri təklif edirlər ki, qarşı tərəfin onu yerinə yetirməsi qeyri-mümkün olur. Onlar bu təklifləri ilə evlilyin vaxtını uzadırlar ki, bu da ömürlərindən gedir. Bəzən də elə olur ki, bir oğlan evlənmək istədiyi qızın evinə gedir və onun ailəsinin nə qədər ədəbsiz olduğunu görür, peşman olur. Belə olan halda həmin qıza ləkə vurular və o, uzun müddət ata evində qalmalı olar.
Ancaq İslam dini valideynlərin bəhanələrini qəbul etmir və bunu insan əxlaqına yaraşdırmır. Onlara xəbərdarlıq edir ki, bu hərəkətlərinə görə həm dünya və həm də axirətdə əziyyət çəkəcəklər. İslam buyurur ki, o insan ki, bütün işlərinə asan yanaşır, İslam da ona asan yanaşar. Əgər çətin yanaşırsa, şətin yanaşar. Bu məsələdə problemlər yaratmaq və qızla oğlanın təbii hissləri ilə vuruşmaq heç də müsbət nəticələr verməyəcəkdir.
Həmad ibni Osman deyir: "Bir nəfər İmam Sadiqin (ə) xidmətində başqa birindən şikayət edir. Çox çəkmir ki, həmin şikayət etdiyi insan gəlib çıxır. İmam (ə) buyurur: "Filankəs səndən niyə şikayət edib? Deyir ki, həmin insan mənə borcludur və mən də axırıncı dinarıma qədər almaq istəyirəm”. İmam (ə) hətta oturmaq tərzini dəyişir və əsəbləşir. Buyurur: "”Heç təsəvvür edirsənmi ki, axırıncı dinarını alanda pis olmayacaqdır? Quranda oxumamısanmı ki: "Pis hesabdan qorxarlar”. Xəyal etdin ki, sui-hesab Allah tərəfindən bəndəsinə olan zülmdür? Yox, Allaha and olsun. "Qorxmazlar məgər o halda ki, əməlin axırıncı zərrəsi hesaba çəkilər”. Bil, ey kişi! O kəs ki, hesabda bu cür çətinlik törədər, pis iş görmüş olar””.
Atalar və analar evlilik məsələsində çətinlik yaratmaqdan qorxsunlar. Evlilik yolunu hamar etsinlər. Həzrət Peyğəmbər (s) buyurur: "Hər bir iman əhli əgər bir qızla oğlanın evlilik məsələsinin hazırlanmasında zəhmət çəkər, Allah o ikisini bir-birinə qovuşdurarsa, savabı min behişt hurisidir. Bu yolda atdığı hər addım və dediyi hər sözə görə bir il ibadətin savabını aparar”.
İmam Musa ibni Cəfər (ə) məktub yazaraq bibisindən xahiş edir ki, malik olduğu filan malı Muhəmməd ibni Cəfərə mehriyyə yardımı kimi göndərsin. Bu məktub həmin xanıma çatan kimi, o, kəramət sahibi bu malı Muhəmmədə göndərir. İmam (ə) məktubda yazmışdı: "Allahın Qiyamət günü elə bir kölgəsi vardır ki, oradan Peyğəmbərdən (s), onun vəsisindən (ə), mömin qulu azad edəndən, möminin borcunu əda edəndən, subay mömini evləndirəndən başqası bəhrələnməz”.
İmam Əli (ə) buyurur: "Ən böyük günah möminin malına təcavüz etməkdir, ən üstün əməl isə evlilkdə iki nəfərin arasını düzəltməkdir”.
İmam Sadiq (ə) buyurur: "Hər kim subay insana qız verər, onlardan olar ki, Allah Qiyamət günü lütf və rəhmətlə nəzər salar”.
Həzrət Peyğəmbər (s) buyurur: "Hər kim evlilik qərarını ləğv edər, qızla oğlanı bir-birindən ayırar, dünya və axirətdə Allahın lənətinə səbəb olar. Həzrət Haqq onun başına minlərlə atəşli daş yağdırar. Hər kim ərlə arvadın ayrılması üçün çalışar, ancaq nəticə almaz, dünya və axirətdə Allah tərəfindən lənət edilər. Haqqın rəhmətini görmək ona haram olar.”
Bu hədisdən müsbət nəticə çıxardaq və subay övladlarımızı evləndirək. Onlar üçün çətinliklər törətməyək.
|
