| Əsas Menu | | | Alimlərimizin Saytları | |
 
 
|
| Allahın CC adları | |
|
|
Saytda olanlar | |
Ümumi: 1 Qonaq: 1 İstifadəçi: 0
|
| Saytımıza Daxil Ol | |
| Kəbə
| |
|
|
Main » 2012 » İyul » 11 » Həzrət Məhdi (ə.f.) tərəfdarlarının xüsusiyyətləri
3:17 PM Həzrət Məhdi (ə.f.) tərəfdarlarının xüsusiyyətləri |
 (Avini saytına istinadən)
İslami mənbələrə görə, Həzrət Məhdi (ə.f.) tərəfdarlarının aşağıdakı xüsusiyyətləri var:
1. Dərin düşüncə.
İmam Məhdinin (ə.f.) tərəfdaşları Allaha, İmama (ə.f.), insanlara qarşı dərin düşüncəyə malikdirlər. İmam Məhdinin (ə.f.) tərəfdarlarının əsas xüsusiyyətlərindən biri – Allah Təalaya olan dərin düşüncəsidir.
Bu mərifət o qədər dərindir ki, nə şübhələri olar, nə də düşüncələrində məğlub olarlar. İmam Əli (ə) buyurur: "O insanlar ki, Allahı layiqli olduğu kimi tanıyarlar, onlar axəril-zamanda Məhdinin (ə.f.) tərəfdarlarıdırlar”. Həmçinin İmam Sadiq (ə) onlar haqqında belə buyurur: "Onlar elə insanlardır ki, sanki qəlbləri dəmir parçasıdır və daşdan sərtdirlər. Allahın zatına görə heç bir şübhələri yoxdur”.
Onların qəlb hərəmləri sərvət, vəzifə bütünə bürünməmişdir. Bu hərəmdə Allahdan başqası yoxdur. Bu dərin düşüncənin bəhrəsi iman və təqvadır.
2. İbadət və bəndəlik.
İmam Məhdinin (ə.f.) tərəfdarları öz rəhbərlərindən nümunə götürürlər. Gecələri və gündüzləri Haqqın şirin zikri ilə keçirirlər. Mərifət və iman qəlblərində kök salmış və Allah qarşısında təvazıkarlığa sövq etmişdir. Bu haqda gələn bəzi hədislərə işarə edək.
a). Peyğəmbəri Əkrəm (s) buyurur: "Onlar bəndəlik yolunda ciddiyyət və səy əhlidirlər”.
b). İmam Əli (ə) buyurur: "Gecənin qəlbində Allah qorxusundan nalə çəkərlər, oğlu ölmüş anaların naləsi kimi”.
c). "Gecələri oyaq qalan kişilərin namaz zümzümələri arı pətəyinin nəğməsinə bənzəyir. Gecələri oyaq qalaraq, keçirirlər və atların üzərində Allaha təsbih deyərlər”.
d). İmam Sadiq (ə) buyurur: "Gecələri ibadət edərək, səhəri açarlar və gündüzlərini də orucla sona çatdırarlar”.
3. Məhəbbət.
İmam Məhdi (ə.f.) tərəfdaşlarının qəlbi məhəbbətlə doludur. Bu məhəbbət o həddədir ki, hətta atının yəhərini belə bərəkət mənbəyi bilirlər. Onu təbərrük bilirlər. İmam Sadiq (ə) buyurur: "Təbərrük kimi İmamın atının yəhərinə əl çəkərlər”. Ona qarşı o qədər məhəbbətləri vardır ki, döyüş meydanında onu əhatəyə alır və canlarını sipər edərlər.
Bizimlə onun tərəfdarları arasında gör nə qədər fasilə vardır? Biz nəinki canımızı, hətta vaxtımızın bir hissəsini o Həzrətə (ə.f.) ayırmırıq. Həzrətin nə hədəflərini yerinə yetririk, nə də dəvətinə müsbət cavab veririk.
4. İtaət.
Həzrətin (ə.f.) istəyini hər şeydən üstün tutmaq və öz istəyini ikinci plana atmaq onların xüsusiyyətlərindən biridir. İmam Sadiq (ə) buyurur: "Onların İmamlarına itaət etməsi kənizin mövlasına itaətindən daha çoxdur”. Onlar yaxşı bilirlər ki, haqq İmamladır. Onlar yeni düşüncələrinə görə İmamlarını (ə.f.) qabaqlamazlar. Baxmayaraq ki, İmamın (ə.f.) arxasında hərəkət edirlər, ancaq ondan aralanmaq istəməzlər. Onlar nəinki itaətkardırlar, çətinlikləri və imkansızlığını bəhanə edənlərdən fərqli olaraq, ona xidmət etməkdən boyun qaçırmazlar. Həzrətin hədəflərini həyata keçirtmək üçün özlərini oda və suya vurarlar.
5. Şücaət.
İmamın (ə.f.) tərəfdaşları cəsarət və şücaətdə polad əzmə malikdirlər. Çünki onsuz hərəkət etmək mümkün deyildir. Əhli-beyt (ə) bu şücaəti belə bəyan edir. İmam Əli (ə) buyurur: "Onların hamısı qabaqcadan çıxmış şirdirlər və əgər istəsələr, dağları yerindən oynadarlar”. İmam Səccad (ə) buyurur: "Qəlbləri dəmir parçası kimidir”. İmam Baqir (ə) buyurur: "Hər birinə 40 kişinin gücü verilmişdir. Əgər dəmir dağa üz döndərsələr, onu tikə-tikə edərlər”.
6. Səbir.
İmam Məhdinin (ə.f.) hədəflərini həyata keçirtmək üçün çox sayda çətinliklərlə ülzəşərlər. Ancaq ixlas və təvazökarlıqlarına görə əməllərini ölçüb-biçirlər. Çətinliklərinə görə Allaha şikayət etmirlər. İmam Əli (ə) buyurur: "Məhdinin (ə.f.) tərəfdaşları o kəslərdir ki, səbirli olmaqlarına görə Allaha minnət qoymazlar. Canlarını ixlas gözünə qoyduqları üçün özlərini böyük hesab etməzlər”.
O günün intizarı ilə.
|
|
Category: Salam |
Views: 609 |
Added by: ehlibeytasiqi
| Rating: 0.0/0 |
|
