 Allahın adı ilə! Bu il 11 Sentyabr hadisələrindən sonra ABŞ-da yəhudi əsilli şəxsiyyətsiz birinin, dahi şəxsiyyət olan İslam Peyğəmbərini (s), İslamı, müsəlmanları, insanlığı təhqir edən bir filmi ərsəyə gətirməsi dünyanı etiraz dalğalarının bürüməsinə səbəb oldu. Bu günlərdə bütün dünya bu rəzil və iyrənc təxribata etiraz edir.
Təbii ki, qərb və ABŞ indi bu mesələyə söz azadlığı, yaradıcılıq azadlığı kimi baxır. Salman Rüştünün mənəvi terroru ilə başlanan müsəlman dünyasına edilən hücumların sonu-hələlik "İslamın məsumiyyəti” adlı kino və bundan sonra Fransada yumor jurnalında dərc edilən təhqiramiz karikaturadır. Amma, niyə "hələlik”, çünki bu cür rəzil xislətli və iyrənc sifetli insanlara hələ çox rast gələ bilərik. Amma, bu şəxslər anlamırlar ki, onlar belə etməklə təkcə, gündən-günə artan müsəlmanların heysiyyətinə toxunub onları təhqir etmirlər. Ümumilikdə bütün insanlığı, bütün bəşəri, bütün vicdanları, bütün dinləri təhqir edirlər.
Çünki İslamı təhqir etmək- Həzrət Adəmdən (ə) Həzrət Muhəmməd (s) peyğəmbərə qədər bütün dinləri, şəriətləri, müqəddəs kitabları, müqəddəs təlimləri təhqir etmək deməkdir. Həzrət Muhəmmədin (s) təhqiri, Həzrət Musanın (ə) və Həzrət İsanın (ə) təhqiridir. Əlbəttə ki, bu rəzil təşəbbüsdə bulunanlar qafildirlər və anlamırlar ki, bu cür provakassiyalar-istər maddi terror şəklində olsun, istərsə də, mənəvi terror-ancaq və ancaq İslam və müsəlmanların xeyrinə, özlərinin isə ziyanına işləyir.
Məgər, 11 Sentyabr hadisələrindən sonra İslamın dünyada sürətlə yayılmasının şahidi olmadılarmı? Müsəlmanlara təzyiq edildikcə onların sayının artması ilk dəfə Həzrət Peyğəmbərin (s) dövründə başladı. O zaman dini aşkar sürətdə təbliğ etmək barədə Allahdan Peyğəmbərə (s) əmr gəldi. Gizli təbliğatdan sonra Peyğəmbər (s) azsaylı möminlərə artıq, aşkara çıxmaq əmrini verdi. O zaman möminlər cəmlənib Məkkədə Kəbə evinin yaxınlığına gəldilər. O zaman bu günün karikaturçuları, salman rüştüləri, buşları, ariel şaronları, şimon peresləri və s. möminlərə təzyiqlər göstərdilər. Daha sonra anladılar ki, bu cür təzyiq və təqiblər ancaq möminlərin sayının artmasına və yardım görmələrinə xidmət edir.
Təbii ki, bu cür karikaturalar, kitablar, kinolar İslamın izzətini heç zaman azaltmaz. Nə də hansısa xristianın, buddistin İslam dini tərəfindən qəbul edilməsi-İslamın izzət və şərəfini artırmır. Əksinə, birinci dəstə öz izzət və şərəfini əldən vermiş olur, ikinci dəstə isə İslam onları qəbul etməklə şərəflənirlər və izzət sahibi olurlar. Dünyada pislik ancaq bu pisliyi edənə qalır.
Bu provakasiyaya müxtəlif aspektlərdən baxılır. Kimlərsə bunu sırf siyasi sifariş və təxribat kimi qələ verirlər. Kimlərsə dinlərarası münaqişə yaratmağa səy göstərir. Amma, qlobal dünyada, svilizasiyalar aləmində bütün dinlərin rəhbərləri insanları vəhdətə səsləyir, birlik olmağa çağırır. Məxsusən də, İslam inancı, Quran buyurur ki, gəlin aramızda müqəddəs olan, hər birimizə əziz olan kəlmələr ətrafında birləşək. Bəli, "lə iləhə illəllah” ətrafında birləşməyə çağıran islam dininin, İslam Peyğəmbərinin (s) təhqir edilməsinə nə ad vermək olar? Onlar özlərini gözdən salırlar. Onlar özlərini xar edirlər. Onların bu halda hökmlərinin nə olduğu da, gün kimi aydındır.
Bu həmin İslamdır ki, bu həmin Peyğəmbərdir (s), bütün ilahi din və peyğəmbərləri (ə) müqəddəs və əziz bilir. İslam inancına görə, adını bildiyimiz, bilmədiyimiz hər hansısa bir peyğəmbəri- fərqi etmir hansı qövmə, hansı şəhərə, hansı ailəyə göndərilib-söymək, təhqir etmək və hətta, qəbul etməyib inkar etmək küfrdür və o şəxs kafirdir. İslam Həzrət Musanı (ə) pak bilir, Həzrət İsa (ə), Xanım Məryəm (ə), ümumiyyətlə bütün peyğəmbərlər məsumdurlar. Bütün peyğəmbərləri məsum bilən bir dini təhqir edən şəxs bütün peyğəmbərləri, nubuvvəti təhqir etmiş kimidir.
Bu rəzil və iblis mahiyyətli insanların islam Peyğəmbərini (s) təhqir etməklə əslində özlərini, öz dinlərini təhqir etmələrinin başqa bir sübutu da budur ki, hər bir insanda fitri olaraq belə bir hiss var ki, onun müqəddəslərini, qeyrətini, namusunu, hətta, ailəsini söysən, o da ən yaxşı halda həmin tərzdə cavab verər və sənin müqəddəsatını, qeyrətini, heysiyyətini və ailəni söyər. Deməli, başqasının ailəsini söyən və təhqir edən şəxsdən qeyrət və qeyrətlilik gözləmək olmaz. O, artıq, özünü söydürməyə, öz din və peyğəmbərini söydürməyə razı olan bir şəxsdir.
Amma, təbii ki, bu rəzillər və iblis mahiyyətlilər bilirlər ki, bir az əvvəl qeyd etdiyimiz məsələni Quranda Allah Peyğəmbərinə (s) bildirir və "sən onların müqəddəs bildiklərini söymə ki, onlar da, sənin müqəddəs bildiklərini söyməsinlər”- deyə, buyurur. Bu rəzil və iblis mahiyyətlilər gözəl anlayırlar ki, İslam üçün Həzrət Muhəmməd (s) əziz və müqəddəs olduğu kimi, Həzrət Musa (ə), Həzrət İsa (ə), Həzrət Məryəm (ə) də, əziz və müqəddəsdir. Çünki onlar da İslam (təslimiyyət) dinini təbliğ və himayə ediblər. Sonra demokratiyadan, söz və yaradıcılıq azadlığından, tolerantlıqdan danışırlar.
Əlbəttə ki, belələrini nə musəvilik dinindən, nə isavilik dinindən nə də insanlıqdan saymaq olar. Bunlar heyvandan da aşağı məxluqlardırlar. Onların etdikləri nə demokratiyaya, nə insan haqlarına, nə beynəlxalq qanunlarda müəyyən edilən azadlıqlara sığmır. Çünki onların ailələrinin bir üzvünü belə təhqir etsələr, onlar bununla razılaşmazlar. Əgər bu rəzil işlərin arxasında ABŞ, İsrail, Avropa durmursa, bu rəzilləri həmən cəzalandırsın, filmlərə qadağalar qoysunlar.
Bir məsələ də, var ki, belə hadisələr yatışdıqdan sonra müsəlmanları (nəuzu billah) vəhşilik etməkdə, sındırmaqda, dağıtmaqda suçlayırlar. Amma, etiraz insanın içindən gələn fitri bir duyğu və nemətdir. Peyğəmbərləri (s), dinləri təhqir edildiyi halda müsəlmanlar nə etməlidirlər ki? İslam məsumdur, amma siz günahkarsınız!!!
|
