 Ayətullah Cavad Amuli demişdir: "İl təhvil olan zaman deyirik ki, Allahım, qəlblərimizi dəyişdir. Cəmiyyətin ilk fərdi və ictimai problemlərinin həll yolu - insanların həqiqi mənada büluğa çatması ilə olar. Həqiqi büluğ dedikdə isə fikri və mədəni büluğ nəzərdə tutulur. İslam dinində o kəs ki, büluğa çatmamışdır, onun heç bir vəzifəsi yoxdur. Biz adətən, bir insanın büluğa çatmasını sənəd almaqla hesab edirik. Deyirik ki, əgər bir kəsin yaşı 15 və ya 18-dirsə, büluğa çatıbdır. Bu insanın vəzifələri vardır və hətta səsvermədə də iştirak edə bilər. Ancaq onu bilməliyik ki, dinin, Quran və Əhli-beytin (ə) ətrafına dolanmadan elə həmin uşağıq ki, əvvəllər də olmuşuq. Hətta əgər yaşımız 15 və 18-dən çox olsa belə. Əvvəl baxmalıyıq ki, ilin təhvil olması nədir, fikri və mədəni büluğ nədir?
Əgər büluğa çatmışıqsa, ona uyğun proqramımız olmalıdır. Əks halda, uşaqcasına proqrama malik olarıq. Hər bir kəsin ömrü onun hərəkətinin məhsuludur. Diqqət etməliyik ki, necə və nə cür hərəkət edirik. Bəzi insanların hərəkəti sakit durmaqlarından daha pisdir. Misal üçün, bir nəfər həyatını idmana sərf etmişdir. Deyir ki, idman sağlamlıq üçün yaxşıdır və sənət sahibi olduğunu da iddia edir. Halbuki, həqiqi sənət sahibi olmaq o demək deyildir ki, sürətlə gələn top baş ilə dəf edilməlidir. Çünki insanın bu başı poladdan deyildir, baş fikirləşmək və düşünmək üçündür. Bəzi insanların hərəkəti avtobus və minibusların hərəkəti kimidir. 20 il işləyəndən sonra dəmir parçasına çevrilir və işdən düşür. Ancaq bəzi insanların hərəkəti isə ağaca bənzəyir. Bu mənada ki, 20 ildən sonra hərəkəti yaxşı məhsul vermiş və hətta kökləri də möhkəmlənmişdir. Ona görə də hərəkət ağacın hərəkəti kimi olmalıdır ki, bir neçə ildən sonra insanlara və cəmiyyətə xidmət etməlidir.
Bəzi insanlar vardır ki, təhlükəni hiss və dərk edirlər. Sonra da həmin təhlükədən qaçırlar. Bu cür insanlar həm yaxşı görürlər və həm də yaxşı qaçırlar. Budur alim insan - həm yaxşı dərk edir və həm də yaxşı əməl edir. Bu cür insanların yanında elə insanlar da vardır ki, məsələləri yaxşı görürlər və bir kəlmədən agah olurlar. Ancaq əl və ayaqları bağlıdır. Təhlükəni də görəndə bilirlər ki, bu onlar üçün faydalı bir şey deyildir. Ancaq əl və ayaqları bağlıdır. Heç bir iş görə bilmirlər. Bu zaman siz onun ixtiyarına nə qədər elmi təhcizat qoysanız da, faydası olmaz. Bu cür insanın elmi çətinliyi yoxdur. Onun hərəkət etmək amilləri bağlıdır.
Bir qrup insanlar da vardır ki, əl və ayaqları açıqdır, ancaq düzgün dərk etmək qabiliyyətinə malik deyildirlər. Dördüncü qrup insanlar o insanlardır ki, hər iki tərəfdən məhrumdurlar. Bu daha çox onların xarici üzvlərinə aiddir. Əksər insanların elm və agahlıqda problemləri yoxdur. Yəni, ona Quran təfsiri desən də, heç bir faydası olmaz. Ola bilsin ki, o, elə bir həddə olsun ki, özü Quranı təfsir edə bilsin. Onun problemi başqa bir şeydədir. Şeytanın etdiyi ilk iş odur ki, onu və onun stimulunu bağlayar. Çalışar ki, yaxşılqılara tərəf getməsin və pis şeylərdən qaçmasın. Əgər kimsə bu dünyada dinin əlifbası ilə oyun oynayarsa, qəbirdə bu əlifba yadına düşməyəcəkdir. Qəbirdə elmi problemlərdən sual vermirlər, dinin əlifbasından sual verirlər. İl təhvil olan zaman diqqət etməli olduğumuz nöqtə odur ki, özümüzü din, Quran və Əhli-beyt (ə) günəşinin ətarafında dolandıraq. Hamı bilməlidir ki, günah etmək nəticəsində insan qəlbi qabar bağlayar. Ayaqlarını bağlayar və əzm və iradəsini aradan aparar. İl təhvil olan zaman çalışmalıyıq ki, bütün dünya üçün nümunə olaq”.
|
