Main » 2012 » Fevral » 15 » Ayətullah Safi Gülpayiqani: “İmam Zaman ağanın (ə.f.) ən böyük nigarançılığı budur ki, insanlar cahil olmasınlar”
5:44 PM
Ayətullah Safi Gülpayiqani: “İmam Zaman ağanın (ə.f.) ən böyük nigarançılığı budur ki, insanlar cahil olmasınlar”
Ayətullah Safi Gülpayiqani Məşhəd şəhərində tələbələr qarşısında çıxış edərkən, demişdir: "Həzrət Muhəmməd Mustafanın (s) və əziz övladı İmam Sadiqin (ə) mövlud günləri münasibətilə sizi təbrik edirəm. Ümid edirəm ki, bu gün qarşınızda olan vəzifənizi gözəl şəkildə yerinə yetirirsiniz. Əziz tələbələr gərək fürsəti qənimət biləsiniz və nə qədər bacarırsınızsa, Əhli-beyt (ə) maarifini kəsb etməyə çalışasınız. Xüsusilə də "Nəhcul-bəlağə"ni, "Səhifeyi-Səccadiyə"ni, "Səhifeyi-saniyə"ni, "Səhifeyi-rabiyə"ni mütaliə edin. Bütün bu kitabların qədrini bilin, çünki Əhli-beyt (ə) məktəbində olan qədər heç bir məzhəbdə bu qədər elmi mənbə yoxdur. Biz qeyb dövründə çalışmalıyıq ki, İmamla (ə.f.) rabitəmiz hifz olunsun. Biz hamımız o Ağanın nökərləriyik və dinə xidmət edirik. Çalışmalıyıq ki, Həzrəti (ə.f.) sevindirən işlər görək, onun nigarançılıqlarını azaldaq. Həzrətin (ə.f.) ən mühüm nigarançılığı budur ki, insanlar və Əhli-beyt (ə) davamçıları cahil olmasınlar. Cəhalət və nadanlıq ən pis xəstəlikdir ki, hər bir cəmiyyət üçün ziyan və zərərlidir. İmam Zaman ağa (ə.f.) istəyir ki, ona tabe olan cəmiyyət elmli cəmiyyət olsun. Bütün bunların hamısı Əhli-beyt (ə) maarfində gəlmişdir. Hətta ixtiyarımızda olan duaların məzmununa baxsaq görərik ki, onların hamısı insanları tərbiyə etmək xarakteri daşıyır.
İnsanın və cəmiyyətin kamalı - hər ikisi Allahın sifətlərindəndir. Qalan sifətlər də bu iki sifətə qayıdır. Biri elm sifətidir, o birisi isə qüdrətdir. Yəni, Allah alimdir, siz də gərək elm öyrənəsiniz. Əlbəttə, bizim elmimiz Allahın elmi ilə bir deyildir. Qüdrət də bu cürdür.
Gərək bütün insanlar və cəmiyyət qüdrətə malik olsun. Cəmiyyətdə İmamların (ə) əxlaqı yayılmalıdır. Həzrət Rəsulun (s) əxlaqı hamı üçün nümunədir. Peyğəmbərin (s) əxlaqı yayılmalıdır. O şey ki, İslam dininin yayılmasına səbəb olmuşdur - Həzrətin gözəl əxalqı idi. Hətta besətdən əvvəl onun əxlaqı elə idi ki, Həzrəti "Əmin" adlandırırdılar. O il ki, Kəbə Evi sel tərəfindən xarab olmuşdu, onu təmir edəndən sonra Həcərul-Əsvədi qoymaq istəyirdilər, qəbilələr arasında buna görə münaqişə yaranmışdı. İş elə yerə çatır ki, bir-biri ilə vuruşmağa
hazırlaşırlar. Bu zaman Həzrət Rəsul (s) gəlir və hamı deyir ki, bu adam nə desə, onu da edəcəyik. İşi ona tapşırırlar. Həzrət parça gətirir və Həcərul-Əsvədi ora qoyur. Onlara buyurur ki, hər biri parçanın bir küncündən tutsun və Həzrətin özü onu yerinə qoydu. Bu ona
dəlalət edir ki, elə həmin zamanlarda hamı onun gözəl əxlaqını qəbul edirdi.
Bu gün bizim cəmiyyətimiz hər zamandan çox əxlaqa ehtiyac duyur. Çox təəsüf ki, cəmiyyətdə əxlaqsızlıq artmışdır. Əgər bütün insanlar İslam əxlaqına riayət etsələr, məmləkətin çətinlikləri aradan qalxar. Bu gözəl bayram günlərində baxmalıyıq ki, bizim o Həzrətlərlə (ə) rabitəmiz necədir və nə həddədir? Əməldə onların göstərişlərinə nə qədər əməl edirik? Biz əmr be-məruf və nəhy-əz-munkər edirikmi? Öhdəmizdə olan məsuliyyətlərimizə əməl edirikmi? Bunlara cavab verərək, o Həzrətlərlə rabitəmizin nə həddə olduğunu müəyyən edə bilərik. Sonda sizə təşəkkür edir və müvəffəqiyyət arzulayıram”.
